evexerit, luculenter & apertè demonstratur. His omnibus ad-

hunc modum enumeratis, author ipse Patriæ ac Reipublicæ

gratulatur, quòd has virtutes Regina Illustrissima imite-

tur, & ad similes hoc est æternas laudes parandas paternis

vestigiis insistat. Posthæc exponit q(uam) mira clementia, pietate,

misericordia atq(ue) etiam humanitate subditos suos prosequatur

ut his maxime virtutibus, etiam suis maioribus suis palmam

præripuisse, longèque præluxisse merito videri possit. Sub fi-

nem enarrat quanta lætitia perfundantur omnes bonarum li-

terarum candidati, & quantopere ad percipiendas liberales disci-

plinas moveri, incitari, inflammari debeant, posteaq(uam) tanto

favore Regiam celsitudinem in eas ferri conspexerint, ut hanc

potissimum ob causam, etiam sua præsentia, hanc Academiam

magis in posterum Illustrem, & conspicuam reddere non asper-

netur. Deniq(ue) hortatur omnes bonos, ut quibuscumq(ue) possint